Hiss bulvarda konsert verdi

Müğənni Hiss isti yay günlərində Dənizkənarı Milli Parkda konsert proqramı ilə çıxış edib.

Minval.info  xəbər verir ki, sənətçinin çıxışına saatlar qalmış Hisssevərlər konsert olacaq məkana axın edib. Açıq havada baş tutan konsertdə müğənni repertuarında yer alan sevilən hitləri ard-arda səsləndirib. Səhnədə Hissi “NERO” rəqs qrupu müşayiət edib. Bir saat çəkən konsertdə müğənni bir-birindən iddialı iki libas dəyişib.

Hiss fanatları ilə ünsiyyət qurmağı da unutmayıb:

“Xoş gəlmisiniz? Necəsiniz? Buradan hamınız çox gözəl görünürsünüz. Bütün mahnılarımı mənim ilə birgə oxuduğunuz üçün təşəkkür edirəm. Hamınızı çox istəyirəm”.

Tamaşaçıların istəyi ilə Hiss “Karma” və “İstəmirəm” mahnısını iki dəfə səsləndirib.

Qeyd edək ki, sənətçi yaxın günlərdə yeni mahnı və klip təqdim edəcəyinin də müjdəsini verib.