Himayədar ailə prosesi 2 həftəyə tamamlanır

Əmək və Əhalinin Sosial Müdafiəsi Nazirliyi tərəfindən himayədar ailə modelinin tətbiqi prosesi daha da sadələşdirilib. Valideyn himayəsindən məhrum uşaqların ailə mühitinə reinteqrasiyası üçün prosedurlarda bir sıra dəyişikliklər edilib.

Minval.info xəbər verir ki, bu dəyişikliklər himayədar ailə olmaq istəyən vətəndaşların müraciət prosesini sürətləndirir. Müraciət edən şəxslər 10 iş günü ərzində müsahibədən keçərək, maddi-məişət şəraitlərinin uşağın mənafeyinə uyğunluğu qiymətləndirilir. Uğurla bu mərhələni keçən namizədlər minimum 3 gün davam edən təlimlərə cəlb olunurlar.

Təlimlərin onlayn formatda keçirilməsi də nəzərdə tutulub ki, bu da vətəndaş məmnunluğunu artıracaq. Təlimin sonunda müsbət qiymətləndirilən namizədlər üçün uyğun uşağın seçilməsi müddəti 7 iş günündən 5 iş gününə endirilib. Prosesin bütün mərhələləri üzrə qərarların qəbul edilməsi müddəti isə 3 iş günü olaraq müəyyən edilib.

ƏLAQƏLİ

Bunu da oxu

Avtobuslar üçün məsafə əsaslı ödəniş modeli

03.09.2026 - 21:51

Bu dəyişikliklər nəticəsində uşağın himayədar ailəyə keçidi prosesi daha qısa müddətdə, yəni 2 həftə ərzində tamamlanacaq. Himayədar ailə institutu, valideyn himayəsindən məhrum uşaqların ailə əsaslı qayğı ilə təmin olunmasında mühüm rol oynayır. Nazirlik tərəfindən ötən dövrdə 87 uşaq himayədar ailələrə verilib.