Hilal Altınbilek atasının vəfatını yuxuda görüb

Tanınmış aktrisa Hilal Altınbilek, atasının vəfatını illər əvvəl yuxusunda gördüyünü və bu hadisənin onu necə təsirləndirdiyini açıqlayıb. Aktrisa, 2023-cü ildə dünyasını dəyişən atası Özdemir Altınbilekin vəfatını 6 il əvvəl yuxuda gördüyünü bildirib. O, bu kədərli təcrübəni belə ifadə edib: “Atamı itirməzdən 6 il əvvəl onun vəfatını yuxuda görmüşdüm. O vaxt atam tamamilə sağlam idi, heç bir xəstəliyi yox idi. Ayılanda o qədər qorxdum ki, nə baş verdiyini anlaya bilmədim. Yuxu o qədər real idi ki, oyandıqdan sonra da uzun müddət ağlamağa davam etdim. Həmin yuxudan müəyyən müddət keçdikdən sonra onda xəstəlik aşkar olundu və 6 il sonra onu itirdik.”

Minval.info xəbər verir ki, aktrisanın bu emosional etirafı qısa zamanda sosial şəbəkələrdə geniş əks-səda doğuraraq müzakirələrə səbəb olub.