Həsən Ruhani: “İran-Azərbaycan münasibətləri strateji tərəfdaşlıq səviyyəsinə yüksəlib”

“Son 6 ildə Azərbaycan və İran arasında əlaqələr çox yaxınlaşıb”.

APA-nın yerli bürosunun xəbərinə görə, bunu Azərbaycana səfərindən öncə hava limanında keçirdiyi mətbuat konfransında İran Prezidenti Həsən Ruhani jurnalistlərə açıqlamasında deyib.

O bildirib ki, İran-Azərbaycan münasibətləri strateji tərəfdaşlıq səviyyəsinə yüksəlib.

H. Ruhani son illər ərzində İran, Türkiyə və Rusiya, eləcə də İran, Azərbaycan və Rusiya arasında üçtərəfli görüşlərin əhəmiyyətindən danışaraq qeyd edib ki, İran regionda daha fəal siyasət yürütməyə davam edəcək.