Gürcüstandan qalxan təyyarə Rizedə dənizə endi

Gürcüstanın Batumi şəhərindən havaya qalxan iki nəfərlik xüsusi təyyarə Türkiyənin Rize sahillərində dənizə məcburi eniş edib. Təyyarə Batumidən Ordu-Giresun hava limanına uçarkən mühərrikində yaranan nasazlıq səbəbindən Rize-Artvin hava limanı yaxınlığında dənizə enməyə məcbur olub.

Minval.info xəbər verir ki, hadisə yerinə dərhal Sahil Mühafizə Komandanlığının bir gəmisi, iki qayığı və dalğıc qrupu göndərilib. Xilasetmə əməkdaşları təyyarədə olan iki nəfəri şüurları açıq vəziyyətdə sudan çıxarıblar. Onlar ehtiyat tədbiri olaraq Kaçkar Dövlət Xəstəxanasına aparılıb.