Gəncədə qaz təchizatı yanğın səbəbindən dayandırıldı

Gəncənin bəzi ərazilərində qaz təchizatı müvəqqəti olaraq məhdudlaşdırılıb. Bu barədə “Azəriqaz” İstehsalat Birliyi məlumat verib. Məlumata əsasən, şəhərin Avtovağzal ərazisinə yaxın yerləşən tuneldə yüksək gərginlikli elektrik naqillərində və üzərində olan şitdə sentyabrın 12-də baş verən yanğın səbəbindən texniki təhlükəsizlik tədbiri olaraq “Avtozavod”, “Sənaye” və “Şəhər-1” orta təzyiqli qaz xətlərində qaz təchizatı dayandırılıb.

Minval.info xəbər verir ki, yanğın hadisəsi söndürüldükdən sonra vəziyyətin qiymətləndirilməsi və qaz təchizatının bərpası üçün zəruri maddi-texniki və əmək resursları hadisə yerinə cəlb ediləcək.