Gəlinlərin məcbur işlədilməsi doğru deyil: Çingiz əhmədovdan maraqlı açıqlama

Əməkdar artist Çingiz Əhmədov, gəlinlərin evdə məcbur işlədilməsinin yanlış olduğunu bildirib.

Minval.info xəbər verir ki, tanınmış aktyor “Baku TV”yə verdiyi müsahibədə, gəlinlərin ev işlərində məcbur edilməsinin doğru olmadığını vurğulayıb. O, “Gəlin niyə mənə çay gətirməlidir? Köhnə qadınlar gəlini gətirib işlədirlər. Olmaz. Əl-ayağım yerindədir, özümə çay süzüb qoyuram. Mən gəlinin əlindən çay içmişəm. Çay süzəndə deyir, ata, sənə də süzüm? Deyirəm ki, istəyirəm. Belə olar” ifadələrini işlədib.

Aktyor, gənclərin sevdikləri şəxslə ailə qurmasının vacibliyini də qeyd edib: “Əgər sevib ailə qurursansa, heç vaxt pozulmur. Amma qızını məcbur edirsənsə ki, filankəsə get, oğluna deyirsənsə ki, filankəsi al, bu, ailə dağılır. Heç kimə zamin dura bilməzsən”.

ƏLAQƏLİ

Bunu da oxu

Məşhur meyxanaçı İlkin Çərkəzoğlu dünyasını dəyişdi

20.10.2026 - 10:14

Qeyd edək ki, Çingiz Əhmədovun aktyor oğlu İbrahim Çingiz aktrisa Aydan Axundova ilə ailəlidir.