Füzulidə yanacaqdoldurma məntəqəsi bağlandı: Təhlükə aşkarlandı

Füzuli rayonunun 1 Nömrəli Qayıdış qəsəbəsində yerləşən və İbişov Taryel Kazım oğluna məxsus yanacaqdoldurma məntəqəsinin fəaliyyəti dayandırılıb. Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi tərəfindən aparılan yoxlama zamanı məntəqədə insan həyatı və sağlamlığı üçün təhlükə yaradan pozuntular aşkar edilib.

Minval.info xəbər verir ki, aşkar olunan pozuntuların dərhal aradan qaldırılmasının mümkün olmadığı və insan həyatı üçün ciddi təhlükə yaratdığı nəzərə alınaraq, məntəqənin istismarı müvəqqəti olaraq dayandırılıb. Pozuntuların aradan qaldırılması üçün tərtib olunmuş aktın bir nüsxəsi obyekt sahibinə təqdim edilib. Eyni zamanda, texniki təhlükəsizliklə bağlı obyekt sahibi ilə profilaktik söhbət aparılıb və müvafiq tövsiyələr verilib.