Fransa ilə oyundan öncə Türkiyə millisində daha bir itki

AÇ-2020-nin seçmə mərhələsində Fransa və İslandiya ilə oyun öncəsi Türkiyə millisi daha bir itki ilə üzləşib.

Milli.Az xəbər verir ki, “ay-ulduzlar”ın yarımmüdafiəçisi Okay Yokuşlu heyətdən kənarlaşdırılıb. Yunanıstanla yoxlama oyununda zədələnən “Selta”nın 25 yaşlı futbolçusu sözügedən oyunlara yetişməyəcək.

Daha öncə Cenk Tosun zədələndiyi üçün millidən kənarlaşdırılmışdı.

Türkiyə millisi AÇ-2020-nin seçmə mərhələsində iyunun 8-də evdə Fransa, 3 gün sonra səfərdə İslandiya ilə üz-üzə gələcək.