Ət məhsullarında bahalaşma: idxal qiymətləri niyə ucuzlaşdırmır?

Ölkəmizdə ət məhsullarında qiymət artımının qarşısını almaq üçün yerli heyvandarlığın inkişafı ön planda tutulmalıdır. Bu məqsədlə müxtəlif layihələr, subsidiyalar və dövlət proqramları həyata keçirilməlidir ki, istehsal və saxlanma xərcləri azalsın.

Minval.info xəbər verir ki, Azərbaycan Qiymətləndiricilər Cəmiyyətinin sədri Vüqar Oruc bu məsələyə diqqət çəkərək, ətin maya dəyərinin yüksək olması səbəbindən bazardakı tələbatın tam təmin olunmadığını vurğulayıb. Manatın alıcılıq qabiliyyətindəki dəyişikliklər də qiymətlərin artmasına səbəb olur.

Oruc bildirir ki, idxal olunan ət məhsulları yerli bazarda kifayət qədər rəqabət yarada bilmir. Bu, idxalın yetərli həcmdə olmaması və xaricdən gətirilən ətin yerli məhsullarla keyfiyyət fərqlərinin olması ilə əlaqədardır. Xarici ət daha çox ictimai iaşə obyektlərində istifadə olunur, əhali isə gündəlik tələbat üçün yerli məhsula üstünlük verir.

Strateji valyuta ehtiyatlarımız 41 aylıq idxalı qarşılaya bilir

ƏLAQƏLİ

Bunu da oxu

Strateji valyuta ehtiyatlarımız 41 aylıq idxalı qarşılaya bilir

25.09.2026 - 18:11

Qiymətlərin aşağı düşməsi üçün bazarda məhsul bolluğu yaradılmalı və maya dəyəri azaldılmalıdır. Bunun üçün örüş sahələri genişləndirilməli, təsərrüfatların inkişafına dəstək verilməli və heyvandarlıq sahəsində fəaliyyət göstərmək istəyən sahibkarlara maliyyə yardımı göstərilməlidir.

AQC sədri əlavə edir ki, yerli istehlakçının tələblərinə uyğun heyvan cinslərinin ölkəyə gətirilməsi də vacibdir. İdxalın artırılması müəyyən rəqabət yaratsa da, uzunmüddətli həll yolu yerli istehsalın gücləndirilməsidir.

2026-cı ilin ilk yarısında ölkəyə 28 min ton ət idxal edilib ki, bu da ötən ilin eyni dövrü ilə müqayisədə 11 faiz artım deməkdir. Lakin idxalın dəyərinin 20 faiz artması xaricdən gətirilən ətin qiymətinin də yüksəldiyini göstərir ki, bu da daxili bazara təsirsiz ötüşmür.