Erlinq Holandın atası açıqladı - GEDİR?

Dortmund “Borussiya”sının hücumçusu Erlinq Holandın atası Alf-İnqe Holand Avropanın aparıcı klublarının oğluyla maraqlanmasına münasibət bildirib.

Fanat.Az xəbər verir ki, 20 yaşlı istedadın atası Sport1.de-yə danışıb:

“Yaxşı oynayırsansa, böyük klubların səni istəməsi məntiqəuyğundur. Söz-söhbətlərin dolaşmasında qeyri-adi nəsə axtarmaq yersizdir. Hazırda başqa klublar haqda düşünmürük. “Borussiya” ilə uzunmüddətli müqavilə imzalamışıq. Oğlum üçün əla komandadır. Vaxtından əvvəl irəli boylanmaq niyyətindən çox uzağıq. Erlinq hələ Almaniyada çox şey qazana bilər. Bu, onun əsas hədəfidir.

Qeyd edək ki, Erlinq Holand bu mövsüm Almaniya Bundesliqasında 6 oyuna çıxıb və 6 qol vurub. Bundan başqa, forvard 2 məhsuldar ötürmə ilə də yadda qalıb.