Əli Baxışov Avropa çempionatının finalında!

Azərbaycan boksçusu Əli Baxışov, Serbiyanın Loznitsa şəhərində keçirilən U-19 Avropa çempionatında finala yüksəlib. 60 kq çəki dərəcəsində mübarizə aparan Əli Baxışov, yarımfinalda Türkiyə təmsilçisi Furkan Avaranı 3:2 hesabı ilə məğlub edərək finala vəsiqə qazanıb.

Minval.info xəbər verir ki, Əli Baxışov qızıl medal uğrunda döyüşdə İtaliya idmançısı Daniele Fabi ilə qarşılaşacaq. Digər tərəfdən, 48 kq çəki dərəcəsində yarışan Banuçiçək Nəsirli, yarımfinalda İrlandiya təmsilçisi Ellen Coysa məğlub olaraq Avropa çempionatının bürünc medalına sahib olub.