Ekspert: “Füzulidə hava limanının açılması Qarabağda dinc həyatın bərpasına işarədir”

Ekspert: "Füzulidə hava limanının açılması Qarabağda dinc həyatın bərpasına işarədir"

“Füzulidə hava limanının tikintisi və planlaşdırılan açılışı azad edilmiş ərazilərə dinc həyatın qayıtmasına işarədir. Bu, Azərbaycanın yaxın vaxtlaradək məcburi köçkün hesab olunan şəxslərin əvvəlki yaşayış yerlərinə qayıtması üçün şəraitin yaradılmasına sadiqliyinin göstəricisidir”.

Bunu “MİNVAL.İNFO”a ABŞ-ın “SouthFive Strategies” təşkilatının prezidenti, ekspert Ceyson Epşteyn bildirib.

Növbəti köç karvanı Ağalı kəndinə çatıb, açarlar sakinlərə təqdim olunub

ƏLAQƏLİ

Bunu da oxu

Növbəti köç karvanı Ağalı kəndinə çatıb, açarlar sakinlərə təqdim olunub

14.11.2025 - 15:22

Onun sözlərinə görə, hava limanının, tikintinin başlamasından 1 ildən daha qısa bir müddət sonra fəaliyyətə başlaması faktı da bunu təsdiq edir.

“Qarabağda bu investisiyaları həyata keçirməklə Azərbaycan hökuməti regionda və onun ətrafında uzunmüddətli iqtisadi və siyasi sabitliyi təmin etmək şanslarını xeyli artırır”, – o deyib.

Daha əvvəl “Azərbaycan Hava Yolları” (AZAL) QSC-nin nümayəndəsi Füzulidə jurnalistlərə bildirmişdi ki, hava limanı beynəlxalq statusa malik olacaq və 400 tonadək uçuş çəkisinə malik təyyarələri qəbul edə biləcək. İlk sınaq uçuşunun sentyabrın 5-də keçirilməsi planlaşdırılıb.