Efirdə qalmaqal: “Çılpaqlıq… Yerdə uzansam…” (Video)

Efirdə qalmaqal: "Çılpaqlıq... Yerdə uzansam..." (Video)

“Space” TV-də yayımlanan verilişdə yazıçı Aysel Əlizadə qalmaqallı çıxışı ilə yadda qalıb.

Minval.info xəbər verir ki, gənc yazar Azərbaycan teleməkanının mövcud vəziyyətindən danışarkən şpaqat açmağın və çılpaqlıq efirə çıxmağın problem olmadığını dilə gətirib. O, əyləşdiyi yerdən qalxaraq mövzu ilə bağlı fikirlərini bildirib:

“Həmin aparıcı efirdə şpaqat açanda və bu, müzakirə olunanda bir yazı yazmışdım. Məsələn, o zaman ABŞ-ın prezidenti Barak Obama idi. Onun həyat yoldaşı öz ölkəsində sağlam həyata çağırış aksiyasına başlayıb. Ölkənin birinci ledisi olaraq xalqı ilə birgə şpaqat da açır, idman da edir. Bu, problem deyil. Problem mesajdadır, “sən o şpaqatı niyə açırsan?” Məqsədin nədir?”

Rəşid Behbudovun sənəd irsi üzərində qalmaqal yaranıb

ƏLAQƏLİ

Bunu da oxu

Rəşid Behbudovun sənəd irsi üzərində qalmaqal yaranıb

10.10.2026 - 15:38

O, çıxışının davamında ayağa qalxaraq reytinq barədə danışarkən “yerdə uzansam, şpaqat açsam həftənin ən reytinqli verilişi olacaqsınız” deyib:

“Amma bunu nəyə görə edirəm? Mənim xalqım şpaqat açmağımı niyə görməlidir? Nə deyirəm bununla cəmiyyətə? Problem bundadır. Azərbaycanda kütləvi olaraq telekanallara baxırlar. Hər hansı bir ictimai obyektə daxil olsaq orada yerli telekanalların izlənildiyini görərik. Nəyə görə Azərbaycan telekanallarına baxırlar? Çünki başqa şansları yoxdur. Ölkədə Azərbaycan dilini bilən toplum var, hara baxsın, öz dilində olan verilişləri izləməli olur. Baxmaq istəyir ki, öz ölkəsində nə baş verir. Və izlədikdən sonra nə görür?”

Bu zaman jurnalist Seymur Verdizadə müdaxilə edərək “ləhcə ilə danışan, Balakənin yerini bilməyən, qonağının sifətini cıran aparıcı görür” sözlərini dilə gətirib.