Duginin nüvə təhdidi: Böyük şəhərlər boşalmalıdırmı?

Rusiyalı tanınmış filosof və ideoloq Aleksandr Dugin, yaxınlaşan nüvə müharibəsi təhlükəsinə dair yeni bir açıqlama verib. O, bu təhlükənin reallığını vurğulayaraq, Rusiyanın böyük şəhərlərindən əhalinin kəndlərə köçürülməsini təklif edir.

Minval.info xəbər verir ki, Dugin, Qərblə müharibənin qaçınılmaz olduğunu və bunun nüvə müharibəsinə çevrilmə ehtimalının yüksək olduğunu bildirib. O, Rusiya meqapolislərinin hədəfə çevriləcəyini və bu səbəbdən əhalinin təcili olaraq köçürülməsinin zəruri olduğunu qeyd edib. “Moskva, Sankt-Peterburq və Yekaterinburq kimi şəhərlər gələcəkdə mövcud olmayacaq. İnsanlar daha təhlükəsiz bir həyat üçün kəndlərə köçməlidir,” – deyə Dugin bildirib.

Milli Məclisin deputatı Arzuxan Əlizadə isə Duginin bu açıqlamalarının daha çox siyasi-ideoloji xarakter daşıdığını və reallıqdan uzaq olduğunu vurğulayıb. Onun fikrincə, nüvə silahına malik dövlətlər arasında birbaşa qarşıdurmanın ağır nəticələri hamıya məlumdur və bu, tərəfləri belə bir ssenaridən çəkinməyə məcbur edir. Əlizadə, Duginin çağırışlarını cəmiyyətdə qorxu və panika yaratmağa yönəlmiş radikal ssenari kimi qiymətləndirib və bunun real təhlükəsizlik strategiyası ilə əlaqəsi olmadığını bildirib.

ƏLAQƏLİ

Bunu da oxu

Lökbatan sakinləri susuzluqdan əziyyət çəkir: Deputatın açıqlaması təəccüb doğurdu

15.08.2026 - 20:53