ABŞ prezidenti Donald Tramp koronavirusla bağlı daha bir qəribə açıqlama verib.

Musavat.com xarici agentliklərə istinadən xəbər verir ki, Birləşmiş Ştatların dövlət başçısı yenə də koronavirusun peyvəndsiz, öz-özünə çıxıb gedəcəyi ilə bağlı fikrini təkrarlayıb. Donald Tramp bunu “sürü mentaliteti” adlandırıb.

“Bu bəla tədricən aramızdan yox olacaq, siz “sürü zehniyyəti” ilə inkişaf edəcəksiniz. Bu onsuz da ötüb keçəcəkdi. Ancaq proses peyvəndlə daha sürətlə baş verəcək”,-deyə o, Pensilvaniyada təşkil edilən tədbirdə bildirib.

Ekspertlərin fikrincə, ABŞ prezidenti, sadəcə, “sürü mentaliteti” ilə “kollektiv immuniteti” səhv salıb.
“Kollektiv immunitet” immunitetin daha çox insanda əmələ gəlməsi ilə virusun yayılmasının kəsilməsini nəzərdə tutur.