Dilarə Əliyevadan qayınatasına duyğusal təbrik

Əməkdar artist Dilarə Əliyeva, Xalq artisti olan qayınatası Vidadi Əliyevin 81-ci doğum gününü sosial şəbəkə vasitəsilə təbrik edib. O, şəxsi instaqram hesabında qayınatasının şəklini paylaşaraq ona uzun ömür və can sağlığı arzulayıb. “Sizə uzun ömür arzulayıram! Çox, lap çox yaşayın! Yaşayın ki, Oqtayın ruhu şad olsun! Çünki, əlimizdən yalnız bu gəlir!” – deyə Dilarə Əliyeva qeyd edib.

Minval.info xəbər verir ki, Vidadi Əliyev 1945-ci ildə Ağstafa rayonunun Göycəli kəndində dünyaya gəlib və bu gün onun 81 yaşı tamam olur. Dilarə Əliyeva, Vidadi Əliyevin mərhum oğlu, Əməkdar mədəniyyət işçisi Oqtay Əliyevlə ailəli olub. Oqtay Əliyev üç il əvvəl avtomobil qəzasında həyatını itirib.