Deputat: "Bu qüvvələrin məqsədi Azərbaycanın imicinə xələl gətirməkdir"

MİQ-29 təyyarəsinin qəzaya uğrama səbəbləri ilə bağlı dövlətin rəsmi mövqeyini şübhə altına almağa cəhd etmək Azərbaycanı sevməyən qüvvələrin işidir.

Bunu Trend-ə Yeni Azərbaycan Partiyasından olan millət vəkili Cavid Osmanov deyib.

C.Osmanov bildirib ki, bəzi qüvvələr bu hadisəni siyasiləşdirməyə çalışırlar: “Əlbəttə ki, pilotumuzun həlak olması bizi çox kədərləndirir. Allah bütün şəhidlərimizə rəhmət eləsin. Bu cür hadisələr dünyanın hər yerində baş verir. Çox təəssüf ki, bizdə də belə hadisə yaşandı. Əfsuslar olsun ki, Azərbaycanı sevməyən qara qüvvələr, radikal müxalifət bu hadisəni siyasiləşdirməyə çalışır. Onların məqsədi Azərbaycanın imicinə xələl gətirməkdir”.

ƏLAQƏLİ

Bunu da oxu

Merts Almaniyada etirazçıların hədəfində: "Rədd ol!" şüarı

04.09.2026 - 21:48

Deputat vurğulayıb ki, qəzada həlak olan pilotumuzun yaxınları da onların bu hərəkətini qətiyyətlə pislədi: “Təbii ki, bu qüvvələrin vahid məqsədi var – Ölkədə hər hansı bir hadisə baş verirsə, çalışırlar ki, onu siyasiləşdirsinlər və Azərbaycan dövlətinə qarşı istifadə etsinlər, insanlarda çaşqınlıq yaratsınlar. Əslində, cəmiyət yaxşı başa düşür ki, təlim-məşq zamanı belə hadisələr baş verə bilər. Bu hadisəni siyasiləşdirmək istəyən qüvvələr isə bunu ölkədə sabitliyi, inkişafı gözü götürməyən dairələrin diqtəsi ilə edirlər. Hesab edirəm ki, bu qüvvələr heç nəyə nail ola bilməyəcəklər”.