Cem Yılmaz səhhətindən xəbər verdi: Vəziyyəti yaxşıdır

Məşhur türkiyəli komediyaçı və aktyor Cem Yılmaz, xəstəxanaya yerləşdirilməsindən sonra səhhəti ilə bağlı açıqlama verib. O, sosial media hesabında paylaşdığı foto ilə vəziyyətinin yaxşı olduğunu bildirib. Cem Yılmaz, “Gora” filminin çəkilişləri başa çatdıqdan sonra özünü yorğun hiss etməyə başladığını qeyd edib. Çəkilişlər zamanı yorğunluq hiss etməsə də, iş bitdikdən sonra bədənində ağrılar yaranıb.

Minval.info xəbər verir ki, aktyor sinə və kürək nahiyəsində güclü ağrılar hiss etdiyi üçün xəstəxanaya müraciət edib. O, evə gedib dincəlməyi seçsəydi, vəziyyətinin daha ciddi ola biləcəyini vurğulayıb. Cem Yılmaz, onun səhhəti ilə maraqlanan, zəng edən və xəstəxanaya baş çəkən hər kəsə təşəkkür edib. Türkiyənin səhiyyə naziri tərəfindən də ona keçmiş olsun mesajı göndərildiyini qeyd edib. Sənətçi, həkimlərin ona stressdən uzaq durmağı tövsiyə etdiyini bildirib. Yılmaz, paylaşımının sonunda onu düşünən hər kəsə təşəkkür edərək sağlamlıq arzulayıb.