Bir müddət öncə gənc komanda ilə fəaliyyətə başalayan “Cavan” TV-nin fəaliyyəti dayandırılıb.
Minval.İnfo xəbər verir ki, buna səbəb internet televiziyanın “YouTube” hesabının qapanmasıdır. Belə ki, bütün veriliş, müsahibə və sorğuları “YouTube” video platforması üzərindən yayımlayan “CVN” TV müəllif hüquqlarını tapdadığı üçün “Google” tərəfindən blok edilib, rəsmi hesab qapadılıb.
100 mindən çox abunəsi olan, hər gün daha da populyarlaşan kanalın qapanması izləyiciləri də narahat edib. Kanaldan isə bununla bağlı hər hansı bir açıqlama verilməyib.
Artıq 10 günə yaxındır ki, fəaliyyəti dayanan internet tv-nin bundan sonrakı vəziyyəti bəlli deyil.
Məhəmməd Türkmən
Minval.info