Cəmilə Tağızadə: İstanbulda gəlin idim, turist oldum

Aktrisa Cəmilə Tağızadə sosial şəbəkədə etdiyi paylaşımı ilə diqqət mərkəzinə düşüb. Hazırda Türkiyədə istirahət edən Tağızadə, şəxsi instaqram hesabında maraqlı bir video yayımlayıb. O, “İstanbullu gəlin idim, oldum İstanbullu turist… 6 il Türkiyədə yaşadıqdan sonra yenidən bura turist kimi gələcəyim ağlıma gəlməzdi. Həyat insana nələr yaşatmır ki…” sözləri ilə keçmişini xatırladıb.

Minval.info xəbər verir ki, Cəmilə Tağızadə 2017-ci ildə Türkiyə vətəndaşı Murat Temizlə ailə həyatı qurub. Onların bu evlilikdən 2020-ci ildə Abdullah Cesur adlı oğulları dünyaya gəlib. Aktrisa, bir televiziya proqramında qısqanclıq səbəbindən həyat yoldaşından ayrıldığını açıqlayıb.