Əməkdar artist, AYB-nin üzvü Elza Seyidcahandan küsülü olan bacısı Lalə Seyidcahan bu gün “Bizimləsən” verilişə çıxaraq, bacısından şikayətlənib. Verilişə canlı bağlantı ilə qoşulan Seyidcahanların anası Seyidcahan Əhmədova böyük qızının bu addımını sərt tənqid edib və onu “utanmaz” adlandırıb.

Musavat.com bildirir ki, xalq artisti Brilliant Dadaşova bununla bağlı sosial şəbəkədə öz münasibətinin bildirib. Xalq artisti hər zaman yalnız istedadlı insanların hədəf seçildiyini, şərləndiyini deyib:

“Bütün istedadlı insanlar Allah tərəfindən hər hansı bir formada sınanır. Səhnədə, cəmiyyətdə ədəbsiz, özünü və ətrafını saya salmayan, ailə dəyərlərinə məhəl qoymayan, əxlaqsız həyat tərzi sürən, özündən razı, sənəti ortabab, adı isə ulduz olan minlərlə şou əhli var. Onlara heç bir vaxt şər atıldığını görmədim və ümumilikdə onlarda belə problemlər olduğuna heç vaxt rastlaşmadım. Çox təəccüblü haldır”.