Bosfor boğazında duman oyunu: Gəmi hərəkəti dayandı, təhlükəsizlik tədbirləri gücləndirildi

İstanbulda səhər saatlarından etibarən sıx dumanın təsiri ilə quru və dəniz nəqliyyatında ciddi çətinliklər yaranıb. Görünürlük səviyyəsinin kəskin azalması nəticəsində Bosfor boğazında gəmi hərəkəti müvəqqəti olaraq dayandırılıb.

Minval.info xəbər verir ki, dumanın xüsusilə Bosfor boğazı və Üsküdar ətrafında görünürlüyü bir neçə metrədək azaltdığı müşahidə olunub. Bu səbəbdən Sirkəci–Harem avtomobil bərə reysləri də ləğv edilib.

Bununla yanaşı, “Şəhər Xətləri” bərə marşrutları fəaliyyətini davam etdirir. Sahil Mühafizəsi rəsmiləri, beynəlxalq gəmiçiliyin təhlükəsizlik səbəbilə müvəqqəti məhdudlaşdırıldığını bildiriblər. Görünürlüyün yaxşılaşması ilə Bosfor boğazında hərəkətin bərpa olunması gözlənilir.