BioNTech xərçəng peyvəndi sınaqlarını dayandırdı

BioNTech şirkəti yoğun bağırsaq xərçənginin müalicəsi üçün hazırladığı fərdiləşdirilmiş mRNA peyvəndinin klinik sınaqlarını dayandırmaq qərarına gəlib. Bu peyvənd, yüksək riskli yoğun bağırsaq xərçəngi xəstələrində xəstəliyin təkrarlanmasının qarşısını almaq və sağqalma müddətini artırmaq məqsədini daşıyırdı.

Minval.info xəbər verir ki, müstəqil monitorinq komitəsinin apardığı araşdırma nəticəsində peyvəndin gözlənilən faydanı təmin etmədiyi müəyyən edilib. Sınaqda peyvənd alan qrupla nəzarət qrupu arasında ümumi sağqalma göstəricilərində də fərq qeydə alınıb.

Bununla yanaşı, BioNTech digər mRNA xərçəng peyvəndi layihələrini, o cümlədən mədəaltı vəzi xərçənginə qarşı hazırlanan peyvənd üzərindəki işləri davam etdirəcəyini açıqlayıb.