Bel ağrısının gizli səbəbi: Spondilolistez nədir və necə müalicə olunur?

Bel ağrısı və ayaqlara yayılan narahatlıq hissi, bəzən fəqərələrin bir-birinə nisbətən sürüşməsi ilə əlaqəli ola bilər. Bu vəziyyət spondilolistez adlanır və xüsusilə 60 yaşdan sonra bel nahiyəsində daha çox rast gəlinir.

Minval.info xəbər verir ki, spondilolistez zamanı bir fəqərə digərinin üzərinə doğru irəli sürüşərək bel ağrısı, siyatik, ayaqlarda keyimə və zəiflik kimi simptomlara səbəb ola bilər. Uzun müddət ayaqda qalmaq və ya yerimək də narahatlıq yarada bilər. Bəzi hallarda isə bu problem heç bir əlamət vermədən təsadüfən aşkarlanır.

Müalicə adətən ağrıkəsicilər, fizioterapiya və əzələlərin gücləndirilməsi ilə başlayır. Ağrılar davam edərsə və ya sinirlərin sıxılması nəticəsində ciddi nevroloji əlamətlər meydana çıxarsa, cərrahi müdaxilə, o cümlədən fəqərələrin sabitləşdirilməsi əməliyyatı düşünülə bilər.

ƏLAQƏLİ

Bunu da oxu

Azərbaycanda qarabağ Milli Parkı yaradılır

20.10.2026 - 16:24

Mütəxəssislər, xüsusilə ayaqlarda qəfil zəiflik, sidik və ya nəcisə nəzarətin itirilməsi, aralıq nahiyəsində keyimə kimi əlamətlər yaranarsa, dərhal tibbi yardım alınmasını tövsiyə edir.