"Bavariya" Çempionlar Liqasının qalibi oldu - VİDEO

Çempionlar Liqasında (ÇL) 2019/20 mövsümü başa çatıb.

Ötən gün turnirin final qarşılaşması keçirilib.

Həlledici matçda Fransa çempionu PSJ ilə Almaniyada qızıl medalların sahibi “Bavariya” üz-üzə gəlib. İtaliyalı Daniele Orsatonun idarə etdiyi görüşdə PSJ tarixində ilk dəfə, “Bavariya” isə 11-ci dəfə final oyununa çıxıb.

“Marsel”, “Reyms”, “Sent-Etyen” və “Monako”dan sonra həlledici matça qədər irəliləyən 5-ci Fransa təmsilçisi olan PSJ-nin 1993-cü ildən sonra kuboku adıçəkilən ölkəyə aparmaq istəyi baş tutmayıb. Məhz fransalı futbolçu Kinqsli Komanın 59-cu dəqiqədə vurduğu yeganə qol finalın taleyini həll edib.

Rəqibini 1:0 hesabı ilə məğlub edən “Bavariya” 7 ildən sonra ilk, ümumilikdə isə 6-cı ÇL kubokunu muzeyinə aparıb.

https://www.youtube.com/watch?v=xfYTPjO20iU