Baru meyvəsi: Ürək və bağırsaqlar üçün möcüzə

Alimlər, ekzotik baru meyvəsinin ürək, bağırsaq və maddələr mübadiləsi üçün faydalı ola biləcəyini açıqlayıblar. Bu tədqiqatın nəticələri “Food & Function” jurnalında dərc olunub.

Minval.info xəbər verir ki, Matu-Qrosu və Bahia Federal Universitetlərinin alimləri tərəfindən aparılan araşdırmada Braziliyada yetişən baru meyvəsinin müxtəlif hissələrinin kimyəvi tərkibi öyrənilib. Tədqiqatçılar meyvənin lətində karbohidrat və həll olmayan lif, çəyirdəyində isə ürək-damar sistemi üçün faydalı hesab olunan zülallar, olein və linol turşularının yüksək miqdarda olduğunu müəyyən ediblər.

Meyvənin tərkibində həmçinin antioksidant xüsusiyyətlərə malik bitki mənşəli birləşmələr – flavonoidlər aşkarlanıb. Alimlərin fikrincə, baru meyvəsi bağırsaqdakı faydalı bakteriyaların inkişafını dəstəkləyə, lipid mübadiləsinin göstəricilərini yaxşılaşdıra, oksidləşdirici prosesləri azalda və ürək-damar sistemini qoruya bilər.

ƏLAQƏLİ

Bunu da oxu

Ədliyyə Nazirliyindən 7 ölkəyə ekstradisiya sorğusu

21.08.2026 - 23:29

Bununla belə, tədqiqat müəllifləri qeyd ediblər ki, əldə olunan nəticələr kiçikmiqyaslı klinik araşdırmalara əsaslanır və baru meyvəsini sağlamlıq üçün potensial faydalı və funksional qida məhsulu hesab edirlər.