"Barselona" Koutinyoya müştəri tapa bilmir

“Barselona”nın yarımmüdafiəçisi, “Bavariya”da icarə əsasında çıxış edən Filippe Koutinyonun gələcəyi qeyri-müəyyən olaraq qalır.

Fanat.Az “Marca”ya istinadən xəbər verir ki, “Barselona” hələ də Koutinyoya görə rəsmi təklif almayıb. Katalon klubu 28 yaşlı futbolçunu ən azı 80 milyon avro qarşılığında satmaqda qərarlıdı.

“Barsa” rəhbərliyi Koutinyonun “Bavariya”nın heyətində Çempionlar Liqasının qalan oyunlarında parlayacağına və bu yolla müştəri tapacaqlarına ümid edir.

Braziliyalı oyunçu 2018-ci ilin qışında 120+40 milyon avro müqabilində “Liverpul”u “Barselona”ya dəyişmişdi.

2019-20 mövsümündə 23 matçda meydana çıxan Koutinyonun aktivində 8 qol, 6 məhsuldar ötürmə var.