Bakıda nəhəng ağac maşının üzərinə düşdü

Bakının Binəqədi rayonunda park edilmiş avtomobilə nəhəng ağacın budaqları düşərək ziyan vurub. Hadisə sentyabrın 3-də səhər saatlarında Süleyman Sani Axundov küçəsində baş verib. Yol kənarında yerləşən ağacın iri budaqları qırılaraq “Toyota Aqua” markalı avtomobilin üzərinə düşüb, nəticədə nəqliyyat vasitəsinə maddi ziyan dəyib.

Minval.info xəbər verir ki, hadisə yerinə Bakı Şəhər Yaşıllaşdırma Təsərrüfatı Birliyinin əməkdaşları cəlb olunub. Onlar qəzalı ağacın qırılmış budaqlarını ərazidən götürərək ağacı budayıblar.