Bakıda ailə dramı: Dayısını bıçaqladı

Bakının Sabunçu rayonunda bıçaqlanma hadisəsi qeydə alınıb. Hadisə Maştağa qəsəbəsində, Hüsü Hacıyev küçəsində baş verib. 1982-ci il təvəllüdlü Nüsrət Müslüm oğlu Məmmədov yaşadığı evdə bacısı oğlu ilə mübahisə edib. Mübahisə daha sonra əlbəyaxa davaya çevrilib.

Minval.info xəbər verir ki, ilkin məlumata görə, Nüsrət Məmmədovun bacısı oğlu əvvəlcə onun üzünə, daha sonra isə bədəninə bıçaq zərbələri endirib. Yaralı Kliniki Tibbi Mərkəzə yerləşdirilib. Hadisə ilə bağlı Sabunçu Rayon Polis İdarəsinin 14-cü Polis Bölməsinin əməkdaşları tərəfindən araşdırma aparılır.