Bakıda aeroport yolunda ağır qəza: 20-dən çox yaralı var

Bakıda ağır yol-nəqliyyat hadisəsi baş verib.

“Report” xəbər verir ki, hadisə aeroport yolunda olub.

Bilgəh qəsəbəsi – “Koroğlu” metrostansiyası istiqamətində hərəkət edən 171 saylı sərnişin avtobusu zibil daşyan avtomobillə toqquşub. Hadisə nəticəsində sərnişin avtobusunun sərnişinləri xəsarət alıb.

ONA-nın yaydığı məlumata görə, şəhər istiqamətində hərəkət edən kommunal xidmət avtomobili 171 nömrəli müntəzəm marşrut xətti üzrə hərəkət edən 10 TG 909 dövlət qeydiyyat nişanlı avtobusa arxadan çırpılıb.

Son məlumatlara görə, hadisə nəticəsində avtobusda olan sərnişinlərdən 24 nəfəri xəsarət alıb.

Xəsarət alan şəxslər 3 saylı şəhər Klinik Xəstəxanasına yerləşdirilib.