Bakı metrosu UEFA oyunu üçün gecə işləyəcək

Bakı metrosunun iş rejimində dəyişiklik ediləcək. Bu axşam saat 20:45-də Tofiq Bəhramov adına Respublika stadionunda keçiriləcək “Sabah” və “Hapoel” (İsrail, Beer-Şeva) komandaları arasında UEFA Çempionlar Liqası pley-off oyunu ilə əlaqədar olaraq “Bakı Metropoliteni” QSC-nin iş saatları uzadılacaq.

Minval.info xəbər verir ki, əgər matç penaltilər seriyasına qədər uzanarsa, metropolitenin iş saatı gecə saat 01:00-a qədər davam edəcək. “Gənclik” stansiyası gücləndirilmiş iş rejimində fəaliyyət göstərəcək və ehtiyat qatarlar xəttə buraxılmaq üçün hazır saxlanılacaq. Növbətçilik əsasında əlavə işçi qüvvəsi ayrılacaq, “Nərimanov” və “28 May” stansiyalarında əlavə tədbirlər görüləcək. Ümumilikdə, gün ərzində qatarlar mövcud qrafik üzrə hərəkətini davam etdirəcək.