Azad yeni layihəsini təqdim etdi – VİDEO

Müğənni Azad Shabanov (Şabanov) yeni işini təqdim edib.

Dərgi.az xəbər verir ki, “Ağrıkəsicim” adlanan mahnının sözləri Kamran Qafarlı, musiqisi İsmayıl Əsədova məxsusdur. Aranjımanı isə STKHA (Emin Karim) edib. Etno-afro-elektro tərzində olan ifa qrafikadan ibarət video şəklində dinləyicilərin ixtiyarına verilib.

“Arılar mən və mənim musiqimi, avtobus isə Azadsevərləri təmsil edir. Ekran işində çatdırmaq istədiyim fikir isə son günlər musiqi aləmində yaranmış zövqsüzlükdən, öz dinləyicilərimə yol tapıb, düzgün istiqamətləndirməkdir. Həmçinin videoda bir neçə insan təsviri də görmək mümkündür. Burada isə arılar, yəni mən faydalı parazit obrazında insanların qəlbini dolub, onları musiqi ilə bəsləyirəm” deyə, Azad qeyd edib.

Qeyd edək ki, mahnı Azad Şabanovun rəsmi yutub kanalında və bütün musiqi platformalarında yayımlanmaqdadır.