Azad edilmiş ərazilərdən 1706 hektar mina təmizləndi

Ötən həftə ərzində azad edilmiş ərazilərdə 1706,4 hektar ərazi minalardan təmizlənib. Avqustun 31-dən sentyabrın 6-dək aparılan əməliyyatlar nəticəsində 28 tank əleyhinə mina, 140 piyada əleyhinə mina və 1390 digər partlayıcı hərbi sursat aşkarlanaraq zərərsizləşdirilib.

Minval.info xəbər verir ki, bu barədə Azərbaycan Respublikasının Minatəmizləmə Agentliyi (ANAMA) məlumat yayıb. Minatəmizləmə əməliyyatları ANAMA, Müdafiə Nazirliyi, Fövqəladə Hallar Nazirliyi və digər yerli təşkilatlar tərəfindən Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı, Zəngilan və Qazax rayonunun işğaldan azad edilmiş kəndlərində həyata keçirilib.