"Azərbaycanla Aİ arasında yeni sazişə dair məsləhətləşmələr bu ayın sonunda keçiriləcək"
“Azərbaycanla Avropa İttifaqı arasında strateji tərəfdaşlıqla bağlı əhatəli sazişə dair növbəti məsləhətləşmələr mart ayının sonunda keçiriləcək.”
Bu barədə “Report”a xarici işlər nazirinin müavini Mahmud Məmmədquliyev məlumat verib.
O, görüş zamanı siyasət, təhlükəsizlik, ticarət və sərmayə məsələlərinin müzakirə olunacağını bildirib.
Sazişin bu ilin mart ayınadək razılaşdırıla biləcəyi barədə daha əvvəl səsləndirilmiş ehtimallara baxmayaraq, M.Məmmədquliyev həm Azərbaycan, həm də Avropa İttifaqının maraqlarına uyğun gələcək keyfiyyətli sənəd ərsəyə gətirməyi ən mühüm məsələ olaraq gördüklərini qeyd edib: “Saziş üzərində çalışmağa davam edir, müzakirələri video-konfranslar, Bakı və Brüsseldə görüşlər şəklində aparırıq”.
Qeyd edək ki, Aİ-nin xarici siyasət və təhlükəsizlik məsələləri üzrə ali nümayəndəsi Federika Mogerini də bu günlərdə İttifaqla Azərbaycan arasındakı danışıqların həlledici mərhələyə qədəm qoyduğunu bildirmişdi: “Aramızdakı münasibətlərin bütün tərəflərini ehtiva etməklə həm Avropa İttifaqı, həm də Azərbaycan vətəndaşlarına fayda verəcək müasir saziş ərsəyə gətirmək üçün çalışmağa davm edəcəyik”. F.Mogerini Azərbaycanın regionda başlıca tərəfdaşları olduğunu da vurğulayıb.
Xatırladaq ki, 2015-ci ildə Avropa Qonşuluq Siyasətinin sənədində təsbit olunan prinsiplərə əsaslanacaq yeni saziş Aİ ilə Azərbaycan arasındakı siyasi dialoq və qarşılıqlı faydalı əməkdaşlıq üçün yeni zəmin təşkil edəcək. Yeni sənəd həmçinin Azərbaycan qanunlarını Aİ-nin başlıca beynəlxalq siyasət və ticarət standartlarına uyğunlaşdıracaq, bununla da Azərbaycan məhsullarının Aİ bazarına çıxmasına daha geniş imkanlar açacaq.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Monteneqro və Xorvatiya arasında mübahisələr AB üzvlüyünə mane olur
Qrem Aktının dayandırılması: Ukrayna üçün yeni ssenarilər
Viktoriya hökuməti seçilərsə, pulsuz abort xidmətləri təklif edəcək
İran həm müharibəyə, həm də danışıqlara hazırdır — Qalibaf
Macarıstan Ukraynaya dəstək verməyəcəyini açıqladı
Türkiyədə seçki sorğusu: Ərdoğan və rəqibləri arasındakı fərq açıqlandı
