Azərbaycanda kütləvi dava: Ata və oğul xəstəxanaya yerləşdiriliblər

Bərdə rayonunun Ərəblər kəndində kütləvi dava baş verib.

ONA-nın yerli bürosunun xəbərinə görə, hadisə nəticəsində 2 nəfər kənd sakini – Sərdar Ələkbər oğlu Əhmədov və oğlu Elgün Əhmədov müxtəlif bədən xəsarəti alıblar.

Hər ikisi Bərdə Mərkəzi Rayon Xəstəxnasına yerləşdiriliblər.

Məlumata görə, kənd sakinlərinin otlaq sahəsində başlanan mübahisəsi kütləvi davaya çevrilib.

Hadisənin təfərrüatları barədə əlavə məlumat verilməyib.

Faktla bağlı Bərdə rayon Polis şöbəsinin əməkdaşları tərəfindən araşdırma aparılır.