Azərbaycanda 11 yaşlı qız intihar edib?

Zaqatalada 11 yaşlı qız intihar etdiyi iddia olunur.

ONA-nın şimal-qərb bürosunun xəbərinə görə, hadisə martın 4-ü axşam saat 23 radələrində rayonun Danaçı kəndində qeydə alınıb.

Kənd sakini, 2008-ci il təvəllüdlü Gülnaz Şaban qızı Naqqayevin meyiti yaşadığı evin zirzəmisində yaxınları tərəfindən aşkar edilib. İlkin araşdırma zamanı 11 yaşlı G. Naqqayevin intihar etdiyi ehtimal olunur.

Meyit müayinə olunmaq üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib.

Faktla bağlı Zaqatala rayon prokurorluğunda cinayət işi açılıb, araşdırma aparılır.

Həmçinin oxu: Azərbaycan 11 yaşlı qızın intihar etməyibmiş – Təfərrüat