Azərbaycan “İKT üzrə Nazirlər Toplantısı 2021”də təmsil olunub

Rəqəmsal inkişaf və nəqliyyat nazirinin müavini Rövşən Rüstəmov Cənubi Koreya hökumətinin onlayn formatda təşkil etdiyi “İKT üzrə Nazirlər Toplantısı 2021”də iştirak edib.

Minval.info xəbər verir ki, bu barədə nazirlik məlumat yayıb.

Məlumata görə, nazir müavini tədbir çərçivəsində keçirilən “Broadband connectivity” (Genişzolaqlı bağlantı) sessiyasında əsas spiker qismində çıxış edib. O, öz çıxışında dünyada və ölkəmizdə bu sahədə hazırkı vəziyyət, dünyada bu istiqamətdə inkişaf trendləri, ölkəmizdə həyata keçirilən layihələr, qəbul edilən strategiya və dövlət proqramları barədə iştirakçılara məlumat verib.

ƏLAQƏLİ

Bunu da oxu

SpaceX mobil rabitədə inqilabi yeniliklər təqdim edir

09.10.2026 - 13:38

R.Rüstəmov statistik göstəriciləri diqqətə çatdıraraq bildirib ki, Azərbaycan əhalisinin, demək olar ki, 85 faizi internetdən istifadə edir.

“Məqsədimiz yüksəksürətli internetin tətbiqini genişləndirmək və FTTH (Fiber to the Home) şəbəkəsindən istifadə edərək sabit genişzolaqlı internet abunəçilərinin faizini artırmaqdır. Vətəndaşlar mərhələlərlə həyata keçirilən layihələr nəticəsində 2024-cü ilə qədər minimum 25 mb/s sürətə malik genişzolaqlı internetlə təmin olunacaqlar”, – deyə nazir müavini vurğulayıb.

O, əlavə edib ki, bu hədəfə çatmaq üçün ən optimal və effektiv yol dövlət-özəl tərəfdaşlığıdır və biz bu istiqamətdə əməkdaşlığın genişləndirilməsinə böyük önəm veririk.

ƏLAQƏLİ

Bunu da oxu

WhatsApp istifadəçiləri üçün əməliyyat sistemi yenilikləri vacibdir

07.10.2026 - 10:53

Nazir müavini çıxışının sonunda rəqəmsal transformasiyanın ölkədə prioritet olduğunu qeyd edib, bu prosesin həyata keçirilməsində müasir İKT infrastrukturunun mövcudluğunun əhəmiyyəti barədə danışıb.

Tədbir çərçivəsində “Asiyanın inklüziv əlaqəliliyi və ortaq rifahı üçün Seul Bəyannaməsi” qəbul edilib.

ƏLAQƏLİ

Bunu da oxu

Corcia Meloni səsini süni intellektdən qorumaq üçün addım atdı

06.10.2026 - 15:03