Avropa səfərləri kabusa çevrilir: Hava limanlarında növbələr uzanır

Avropanın hava limanlarında sərnişinlər uzun növbələrdə gözləmək məcburiyyətində qalırlar. Bu vəziyyət, Avropa İttifaqının yeni rəqəmsal sərhəd nəzarəti sisteminin tətbiqi ilə əlaqədardır.

Minval.info xəbər verir ki, “Financial Times”ın məlumatına görə, iyul ayında Frankfurt hava limanında gözləmə müddəti 120 dəqiqəyə çatıb. Münhendə bu rəqəm 60 dəqiqəyə, Amsterdamda isə 120 dəqiqəyə yüksəlib.

Gecikmələrin əsas səbəbi, aprel ayında tətbiq edilən Giriş-Çıxış Sistemi (EES) ilə bağlıdır. Bu sistem, Aİ-yə daxil olmayan ölkələrin vətəndaşlarının ilk giriş zamanı barmaq izləri, fotoşəkillər və şəxsi məlumatlarını təqdim etmələrini tələb edir.

ƏLAQƏLİ

Bunu da oxu

Ədəbiyyat üzrə Nobel mükafatının sahibi bəlli oldu

08.10.2026 - 15:28

Aviasiya sənayesinin nümayəndələri və aidiyyəti ölkələr, yeni prosedurların problemlərə səbəb olacağını dəfələrlə vurğulayıblar. Hava limanlarının böyük sərnişin axını şəraitində bu məlumatları eyni vaxtda emal etmək üçün kifayət qədər fiziki imkanlarının olmadığı bildirilir. Buna baxmayaraq, sistemin tətbiqi təxirə salınmayıb və nəticədə terminalların qarşısında uzun növbələr yaranıb.

“Ryanair” aviaşirkətinin rəhbəri Maykl O’Liri, bu yeniliyi sərt tənqid edərək, onu “düşünülməmiş addım” adlandırıb. O, artıq 15 hava limanında ciddi sərnişin sıxlığının müşahidə edildiyini bildirib.