Avqustda hansı meyvələr ən şirindir? – Bazarlarda dadlı məhsul bolluğu
Avqust ayı bazarlarda mövsümi meyvə və tərəvəzlərin bol olduğu bir dövrdür. Bu zaman məhsullar həm daha təzə, həm də daha münasib qiymətə təklif edilir. Mövsümündə yetişən meyvə və tərəvəzlər dadı, qida dəyəri və keyfiyyəti ilə fərqlənir.
Minval.info xəbər verir ki, avqust ayında xüsusilə qarpız və qovun kimi bostan məhsulları ən şirin və sulu dövrünü yaşayır. Yetişmiş qarpız seçərkən saplağının quru, qabığının mat və yan hissəsində sarı ləkənin olması vacibdir. Qovunun isə xoş və şirin ətri onun yetişdiyini göstərir.
Bu ayda həmçinin şaftalı, nektarin, gavalı və əncir mövsümünün zirvəsidir. Şaftalı və nektarin seçərkən meyvənin ətirli və yüngül yumşaq olmasına diqqət yetirmək lazımdır. Gavalılar mürəbbə, kompot və müxtəlif sousların hazırlanması üçün əlverişlidir. Əncir isə qısa mövsümə malik olduğundan tez istehlak edilməlidir.
ƏLAQƏLİ
Reklam agentliyində dəyişiklik: Müşavirlik ştatı ləğv edildi, İnna Abbasova işdən çıxarıldı
Avqustun ikinci yarısından etibarən yeni məhsul alma və armudlar da bazarlarda yerini alır. Təzə alma və armudlar ətirli, bərk və ləkəsiz olur. Bu meyvələrdən piroq, kompot, mürəbbə və digər qış tədarükləri hazırlamaq mümkündür.
Mütəxəssislər qeyd edir ki, mövsümi məhsulların seçilməsi həm sağlam qidalanmaya kömək edir, həm də ailə büdcəsinə qənaət etməyə imkan yaradır. Avqust ayı isə bunun üçün ilin ən əlverişli dövrlərindən biridir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Seuta sərhədində miqrant axını: Aİ yeni tədbirlər hazırlayır
Keçmiş nazir vəfat etdi: "Qara Tofiq" xərçəngdən dünyasını dəyişdi
Kondisioner astma riskini artırır? – Mütəxəssislərdən xəbərdarlıq
