Картинки по запросу Karlo Ançelotti “Napoli” klubu Çempionlar Liqasının qrup mərhələsinin VI turunda evdə Belçikanın “Genk” klubunu 4:0 hesabı ilə məğlub etdiyi oyundan sonra baş məşqçisi Karlo Ançelottini istefaya göndərib.

Offsideplus.az xəbər verir ki, “Napoli” E qrupunda 12 xalla 2-ci yeri tutaraq pley-off mərhələsinə vəsiqə qazansa da, komandanın A Seriyasındakı çıxışı qənaətbəxş deyil. Komanda 15 oyundan 21 xal toplayaraq 7-ci sırada qərarlaşır.

Qeyd edək ki, 2018-ci ilin mayından “Napoli”ni çalışdıran Ançelottinin müqaviləsi 2021-ci ilə qədər idi. Son zamanlarda klub rəhbərliyi ilə fikirlərinin üst-üstə düşmədiyini bildirmişdi.