Ailəsini Ayselin dağıtdığını deyən qadın — “Məni silahla hədələyir”

Müğənni Aysel Əlizadənin ailəsini dağıtdığını iddia edən Turanə adlı qadın yenidən “Səni axtarıram” proqramına qatılıb.

Minval.İnfo-nun “Axşam.az”a istinadən məlumatına görə, qadın danışmaq üçün əvvəlcə qorunmasını istəyib. O, aparıcı Xoşqədəm Hidayətqızına “Təhlükəsizliyimi nəzarətə götürürsünüzsə, çox şey danışacam. Mənə hədə-qorxu gəlirlər. Mən bura övladım üçün gəlmişəm” sözlərini deyib.

Proqramda Ayselə iş adamı Elçin Nəcəfovun bağışladığı “Porsche” markalı avtomobil nümayiş edilib. Bildirilib ki, maşının dövlət nişanında qeyd edilən “EA” Elçin və Ayselin adının baş hərfidir.

Qadın ərinin onu silahla hədələdiyini söyləyib. O, daha sonra ailəsi müğənnilər tərəfindən dağılan qadınlara müraciət edib.
Qeyd edək ki, Turanə 13 illik ailəsini Ayselin dağıtdığını bildirib. O, övladını məhkəməninin ona verdiyini, amma ərinin onun əlindən aldığını söyləyib:

“Aysel nömrəmi hardan bilir ki, mənə mesaj yazır? Onu 18-ci polis bölməsinə şikayət etdim. Atası məndən notariusda məcbur kağız aldı, qızımızı apardı Gürcüstana. Aysel də yanında idi. Gətirib vermirdi. Məni məcbur etdilər ki, uşağı ver”.

48 yaşlı Elçinin avtosalonları var və tikinti işi ilə məşğuldur.