Aİ-dən Ukrayna və üç ölkəyə üzvlük üçün mühüm qərar

Avropa İttifaqı (Aİ), birliyə üzv olmaq istəyən dörd namizəd ölkə üçün üzvlük prosesinin mərhələlərini və mümkün tarixlərini müəyyənləşdirmək niyyətindədir. Bu, Aİ-nin üzvlük yolunda olan ölkələrə dəstəyini gücləndirmək məqsədini daşıyır.

Minval.info xəbər verir ki, “Politico” nəşrinin Avropa Komissiyasında layihə üzərində çalışan iki yüksəkvəzifəli məmura istinadən verdiyi məlumata görə, Aİ, Monteneqro, Ukrayna, Moldova və Albaniya üçün xüsusi fəaliyyət planları hazırlayır. Bu planlar, üzvlük danışıqlarında əsas mərhələləri başa çatdırmaq üçün hədəf tarixlərin müəyyənləşdirilməsini nəzərdə tutur.

Bu “yol xəritələri” hər bir namizəd ölkədən hansı islahatların gözlənildiyini və hansı addımların atılmasının lazım olduğunu dəqiq şəkildə göstərməyə imkan verəcək. Eyni zamanda, Aİ üzvü olan ölkələrin də bu prosesdə iştirak etməsi və razılıqlarını bildirməsi tələb olunacaq.

ƏLAQƏLİ

Bunu da oxu

Oleşki şəhərində acınacaqlı vəziyyət: Rusiya yardım yollarını bağlayır

28.09.2026 - 19:41

Məlumatda qeyd olunur ki, belə bir mexanizmin qəbul edilməsi, Aİ-nin ilk dəfə namizəd ölkələrə islahatları davam etdirəcəkləri təqdirdə üzvlüyə qəbul olunacaqları ilə bağlı aydın təminatlar verməsini və danışıqların başa çatması üçün təxmini müddətlərin müəyyənləşdirilməsini asanlaşdıracaq.