Acqarına zeytun yağı içmək təhlükəlidir!

Son dövrlərdə acqarına bir qaşıq zeytun yağı içmək vərdişi sosial mediada geniş yayılıb. Bu vərdişin tərəfdarları zeytun yağının həzmi yaxşılaşdırdığına, ürək sağlamlığını dəstəklədiyinə və bədəni toksinlərdən təmizlədiyinə inanırlar.

Minval.info xəbər verir ki, qidalanma mütəxəssisləri bu vərdişin elmi əsasının olmadığını bildirirlər. Rafinə olunmamış zeytun yağı, tərkibindəki antioksidant xüsusiyyətlərə malik tək doymamış yağ turşuları, E vitamini və polifenollar sayəsində dəyərli xüsusiyyətlərə malikdir. Bu məhsulun pəhrizə müntəzəm daxil edilməsi ürək-damar sisteminə və maddələr mübadiləsinə müsbət təsir göstərə bilər.

Bununla yanaşı, mütəxəssislər zeytun yağının acqarına deyil, salatlarda istifadəsinin daha faydalı olduğunu vurğulayırlar. Acqarına zeytun yağı içmək ürəkbulanma, reflüks, mədə spazmları və ishal kimi xoşagəlməz həzm reaksiyalarına səbəb ola bilər.