ABŞ Nümayəndələr palatasının spikeri: “Donald Tramp Riçard Niksondan daha pisdir”

Nensi Pelosi prezidenti istefaya çağırıb

ABŞ Nümayəndələr palatasının spikeri Nensi Pelosi Donald Trampın keçmiş dövlət başçısı Riçard Niksondan daha betər olduğunu bildirib.

Musavat.com xarici agentliklərə istinadən xəbər verir ki, o, bununla bağlı fikirlərini “CBS” kanalında səsləndirib.

Qanunverici orqanın rəhbəri hətta prezidenti istefaya çağırıb.

“Olduqca kədərli mənzərə yaranıb. Tramp əsl saxtakardır və ali baş komandanlıq vəzifəsi onun dişinə görə deyil. Mən onun Riçard Niksondan (1969-1974-cü ildə ABŞ prezidenti olmuş və impiçment təhlükəsi qarşında qalaraq istefa vermiş siyasətçi) daha pis olduğunu düşünürəm. Çünki Nikson müəyyən anda ölkəsini fikirləşib vəzifəsindən getmək cəsarətini özündə gördü”,-deyə xanım Pelosi qeyd edib.

Spiker Trampın adının yalnız hüquqpozmalarla hallandığını vurğulayaraq prezidentin keçmiş vitse-prezident Cozef Baydenə qarşı təhqiqata başlamaq üçün rəsmi Kiyevə təzyiq etməsini buna örnək göstərib.

“Əgər söhbət Birləşmiş Ştatların konstitusiyasının pozulmasından, yəni bizim milli təhlükəsiliyimizin, azad seçkilərimizin təhdid alıtnda olmasından gedirsə və buna görə prezidentin öz içdiyi anda xilaf çıxdığı müəyyən edilərsə, o zaman impiçment proseduru işə düşməlidir,”- deyə Nensi Pelosi bildirib.