ABŞ-da polisin qaradərilini torba ilə boğaraq öldürdüyü görüntülər yayılıb - VİDEO

Mart ayında Nyu York əyalətinin Roçester şəhərində polis zorakılığı nəticəsində dünyasını dəyişən afro-amerikalı Daniel Prudun necə öldürülməsi ilə bağlı görüntülər ortaya çıxıb.

Yeniavaz.com “CNN Türk”ə istinadən xəbər verir ki, polis təqib etdiyi şəxsin başına sellofan torba keçirərək onun ölümünə səbəb olub.

6 ay əvvəl dünyasını dəyişən Prudun təslim olmasına və qandallanmasına baxmayaraq polis tərəfindən başına torba keçirilərək yerə yıxıldığı görülür.

ABŞ mediasında verilən xəbərdə Prudun şüursuz şəkildə xəstəxanaya aparılaraq süni tənəffüs aparatına bağlandığı və 7 gün sonra dünyasını dəyişdiyi deyilir. Meyitin ekspertizası zamanı onun ölüm səbəbi fiziki şiddət nəticəsində boğulma kimi qeydə alınaraq cinayət işi başladılıb.

Nyu-York Baş prokurorluğu işlə bağlı cinayəti araşdırır. Mərhumun ailəsi isə oğullarının haqsız yerə öldürülməsinə görə Roçester şəhərini məhkəməyə verəcəyini ifadə edib.

https://video.haber7.com/video-galeri/170717-abdde-polis-siyahi-adamin-kafasina-poset-gecirip-bogarak-oldurdu