“1 TL belə götürülübsə, ölkəni tərk edərəm” – Sənətçilər arasında qalmaqal

Komediya aktyoru Cem Yılmaz ilə rok ifaçısı Haluk Levent arasında qalmaqal yaranıb.

Minval.info  xəbər verir ki, Cem Yılmaz stəndap şousunda xeyriyyə cəmiyyətlərinin insanları aldadıb pul mənimsədiklərini deyib. Sənətçi eyni zamanda Halukun yaratdığı “AHBAP” xeyriyyə dərnəyinin fəaliyyətini tənqid edib.

Haluk isə tvitter hesabında status yazaraq Cemdən açıqlama verməsini istəyib:

“Sevgili Cem Yılmaz, hamımız səni çox istəyirik. 3 ayrı nəfər sənin dediklərini səhv başa düşə bilər? Əgər səhv başa düşüblərsə, üzr istəyirəm. Yox, belə deyilsə, bütün ölkəyə “mənimsəmək” məsələsini aydınlaşdıra bilərsən? 1 TL belə götürülübsə, şərəfimə and içərəm ki, ölkəni tərk edərəm”.

Stəndap ulduzu rokçunun postuna cavab yazmayıb, o isə statusunu silib.