Yemelyanenko Həbib haqda danışdı: "Hər şeyi düz edir, amma maraqsızdır"

Rusiyalı MMA döyüşçüsü Fyodor Yemelyanenko Dağıstan əsilli Rusiya təmsilçisi Həbib Nurmaqamedovun döyüşləri haqda fikirlərini bildirib.

Bizimyol.info xarici mətbuata istinadən xəbər verir ki, Yemelyanenko Həbibin döyüşlərinin maraqsız olduğunu vurğulayıb: “Həbibin iştirak etdiyi döyüşləri izləməyi sevmirəm. Onun hərəkətlərində maraq doğuran heçnə yoxdur.

O hər şeyi düz edir və qələbə qazanır. Lakin, onun döyüşlərinə baxmaq maraqsızdır”.

Xatırladaq ki, sentyabrın əvvəlində Yemelyanenko Həbibin zəif nöqtələri haqda danışıb. O, Həbibin, texnikasını dəyişərək, ayaq üstə döyüşməli olduğunu bildirib.

Qeyd edək ki, Fyodor Yemelyanenkonun aktivində 28 qalibiyyət, 7 məğlubiyyət və 1 heç-heçə var.