Ukrayna Moskvanı 650-dən çox İHA ilə vurdu: 2 ölü, 9 yaralı

Rusiya-Ukrayna müharibəsi beşinci ilinə yaxınlaşarkən, tərəflər arasında qarşılıqlı hücumlar davam edir. Ukrayna, gecə ərzində Rusiyanın Moskva bölgəsini 650-dən çox insansız hava aparatı (İHA) ilə hədəfə alıb.

Minval.info xəbər verir ki, Moskva vilayətinin qubernatoru Andrey Vorobyov hücumlar nəticəsində 2 nəfərin həyatını itirdiyini, 9 nəfərin yaralandığını açıqlayıb. Vorobyov, hava müdafiə sistemlərinin bölgədəki 16 yaşayış məntəqəsində ümumilikdə 185 İHA-nı məhv etdiyini bildirib. Bəzi kəndlərdə 10-dan çox fərdi evdə, bəzi binalarda və nəqliyyat vasitələrində zərər meydana gəldiyini qeyd edib.

Rusiya dövlət xəbər agentliyi TASS-ın yerli hakimiyyətə istinadən verdiyi məlumata görə, hücumlar zamanı Rusiyanın e-ticarət şirkəti Wildberries tərəfindən idarə olunan bir anbarda yanğın baş verib. Domodedovo şəhərində isə İHA hücumlarından təsirlənən kəndlərə yenidən elektrik verilməsi üçün işlərin davam etdiyi bildirilib.

ƏLAQƏLİ

Bunu da oxu

İspaniyada yeni mənzil qərarnamələri qəbul edildi

06.10.2026 - 16:06

Rusiya: 868 Ukrayna İHA-sını məhv etdik

Rusiya Müdafiə Nazirliyinin açıqlamasına görə, ötən axşam yerli vaxtla 20.00-dan bu səhər 09.00-a qədər Rusiyanın hava müdafiə sistemləri Moskva bölgəsi daxil olmaqla müxtəlif yerlərdə 868 Ukrayna İHA-sını məhv edib.