Korrupsiya barədə məlumat verənlərə PUL VERİLƏCƏK

Korrupsiya ilə bağlı hüquqpozmalar barədə məlumat verən şəxslərə və onların yaxınlarına xüsusi müdafiə təminatları təklif olunur. Bu çərçivədə, həmin şəxslərin xəsarət alması və ya həlak olması halında ailələrinə birdəfəlik müavinət ödənilməsi planlaşdırılır.

Minval.info xəbər verir ki, bu təklif “Korrupsiya ilə əlaqədar hüquqpozmalarla bağlı məlumat verən şəxslərin həvəsləndirilməsi və müdafiəsi haqqında” yeni qanun layihəsində öz əksini tapıb. Layihə Milli Məclisin müvafiq komitələrinin birgə iclasında müzakirə olunub.

Layihəyə əsasən, korrupsiya ilə bağlı məlumat verən şəxs və ya onun yaxın qohumları bu səbəbdən bədən xəsarəti alarsa, onlara 10 min manat məbləğində birdəfəlik müavinət verilməsi nəzərdə tutulur.

ƏLAQƏLİ

Bunu da oxu

Baş Dövlət Yol Polisi sürücülərə vacib xəbərdarlıq edib

06.10.2026 - 10:02

Əgər şəxs və ya onun yaxınları korrupsiya barədə məlumat verməsi nəticəsində həyatını itirərsə, ailəsinə 20 min manat birdəfəlik müavinət ödənilməsi təklif edilir. Bu addım məlumat verənlərin təhlükəsizliyinin və həvəsləndirilməsinin artırılmasına yönəlib.